کراچی: ایف آئی اے کمرشل بینکنگ سرکل نے صدر کے علاقے میں کارروائی کرتے ہوئے جعلی امریکی ڈالرز کی خرید و فروخت میں ملوث 2 ملزمان کو گرفتار کر لیا۔ کارروائی کے دوران 4500 جعلی امریکی ڈالرز برآمد کیے گئے۔
لائنز ایریا میں کنڈا مافیا کا حملہ، کے الیکٹرک عملہ زخمی
ایف آئی اے حکام کے مطابق، قادر رضا نامی ملزم جعلی ڈالرز سپلائی کرنے کے لیے ایک پارٹی کا انتظار کر رہا تھا۔ اس کی نشاندہی پر دوسرے ملزم نعیم احمد کو واٹر پمپ کے علاقے سے گرفتار کر لیا گیا۔
گرفتار ملزمان کے خلاف مقدمہ درج کر کے مزید تفتیش شروع کر دی گئی ہے۔ ایف آئی اے حکام کا کہنا ہے کہ جعلی ڈالرز کے مرکزی سپلائر کی گرفتاری کے لیے بھی کوششیں جاری ہیں۔