تشکر نیوز: آئی جی سندھ نے پولیس کے اعلیٰ افسران کی نئی تعیناتیوں اور تبادلوں کے حوالے سے نوٹیفکیشن جاری کردیا ہے، جس کے تحت مختلف اضلاع اور یونٹس میں پولیس افسران کی ذمہ داریاں تبدیل کی گئی ہیں۔ ان تعیناتیوں کا مقصد پولیس کے انتظامی ڈھانچے کو مزید مضبوط کرنا اور سیکیورٹی کی کارکردگی میں بہتری لانا ہے۔
ٹریفک کی صورتحال: مذہبی جماعتوں کے احتجاج کے باعث شہر بھر میں اہم روڈز بند
تفصیلات کے مطابق، خالد مصطفیٰ کورائی کو ایس پی آرآرایف حیدرآباد تعینات کیا گیا ہے، جبکہ عرفان مختار بھٹو کو ایس ایس پی اسپیشل برانچ سیکیورٹی کراچی میں تعینات کیا گیا ہے۔ سید محمد عباس رضوی کو اے آئی جی ویلفیئر سی پی او کراچی، قمر رضا جسکانی کو ایس ایس پی اسپیشل برانچ انٹیلی جنس کراچی، اور اعجاز احمد شیخ کو اے آئی جی ایڈمنسٹریشن سی پی او کراچی کے عہدے پر تعینات کیا گیا ہے۔
اسی طرح، ظفر اقبال ملک کو ایس پی اسپیشل سیکیورٹی یونٹ کراچی، عبدالعظیم کو ایس پی اسپیشل برانچ لاڑکانہ، ثاقب ابراہیم کو ایس ایس پی ہیڈکوارٹرز اینڈ ٹریننگ آرآرایف کراچی، عامر عباس شاہ کو ایس پی اسپیشل برانچ حیدرآباد، اور آصف احمد بھگیو کو ایس پی سی ٹی ڈی حیدرآباد تعینات کیا گیا ہے۔
طارق نواز کو اے آئی جی اسٹیبلشمنٹ ون سی پی او کراچی، اور منصور احمد مغل کو ایس پی اسپیشل برانچ سکھر تعینات کیا گیا ہے۔
آئی جی سندھ نے ان تعیناتیوں کا نوٹیفکیشن جاری کرتے ہوئے تمام افسران کو اپنی نئی ذمہ داریوں میں بہترین کارکردگی کی ہدایت کی ہے تاکہ عوام کی حفاظت اور امن و امان کے قیام کو یقینی بنایا جا سکے۔
