تشکر نیوز، جنوبی وزیرستان — جنوبی وزیرستان کے علاقے سرا روغہ میں سیکیورٹی فورسز نے فتنہ الخوارج کے خلاف انٹیلی جنس بیسڈ آپریشن کیا، جس کے نتیجے میں 13 دہشتگرد ہلاک ہوگئے۔ پاکستان فوج کے شعبہ تعلقات عامہ (آئی ایس پی آر) کے مطابق، یہ کارروائی دہشت گردوں کی موجودگی کی اطلاع پر کی گئی تھی، اور ہلاک ہونے والے دہشت گرد فورسز پر حملوں اور بے گناہ شہریوں کے قتل میں ملوث تھے۔
آذربائیجان ایئرلائنز کا طیارہ قازقستان میں حادثے کا شکار، 25 افراد محفوظ
آئی ایس پی آر کے بیان میں کہا گیا کہ آپریشن کے بعد علاقے کو دہشت گردوں سے پاک کرنے کے لیے سینیٹائزیشن آپریشن جاری ہے۔ پاک فوج کے شعبہ تعلقات عامہ کا کہنا ہے کہ سیکیورٹی فورسز دہشت گردی کی لعنت کے خاتمے کے لیے پرعزم ہیں۔
اس سے قبل، 21 دسمبر کو سیکیورٹی فورسز نے خیبر کے علاقے راجگال میں پاک افغان سرحد پر فتنہ الخوارج کی دراندازی کی کوشش کو ناکام بناتے ہوئے 4 دہشتگردوں کو ہلاک کر دیا تھا۔ اس کارروائی کے دوران ایک سپاہی عامر سہیل آفریدی بھی شہید ہوگئے تھے۔
آئی ایس پی آر نے اپنے بیان میں کہا کہ پاکستان افغان عبوری حکومت سے مؤثر بارڈر مینجمنٹ کے لیے مسلسل مطالبہ کرتا رہا ہے۔