کراچی: ایشین ہاکی چیمپئنز ٹرافی کے شیڈول کا اعلان کردیا گیا ہے۔ پاکستان کی عدم شرکت کے بعد بنگلادیش کو ٹورنامنٹ میں شامل کرلیا گیا ہے۔
شیڈول کے مطابق ایونٹ 27 اکتوبر سے بھارت میں شروع ہوگا۔ فائنل اور برانز میڈل کا میچ 5 نومبر کو کھیلا جائے گا۔
ٹورنامنٹ کے مقابلے بھارتی شہروں جالندھر اور موہالی میں ہوں گے۔
چھ ٹیمیں ٹورنامنٹ میں حصہ لیں گی
ایونٹ میں میزبان بھارت کے علاوہ ملائیشیا، جاپان، جنوبی کوریا، چین اور بنگلادیش کی ٹیمیں شریک ہوں گی۔
پاکستان کی عدم شرکت کے باعث بنگلادیش کو ایونٹ میں جگہ دی گئی ہے۔
پاکستان بمقابلہ سری لنکا پہلے ٹی ٹوئنٹی میں پاکستان 4 وکٹوں سے کامیاب
پاکستان نے بھارت جانے سے انکار کردیا
پاکستان ہاکی فیڈریشن نے میچز نیوٹرل وینیو پر منتقل کرنے کی درخواست کی تھی۔ تاہم، ایشین ہاکی فیڈریشن نے یہ درخواست قبول نہیں کی۔
پاکستان ہاکی فیڈریشن نے موجودہ صورتحال کے پیش نظر قومی ٹیم بھارت نہ بھیجنے کا فیصلہ کیا۔
