کراچی: یونائیٹڈ مسلم فورم نے شہر کے معروف تاجر رہنما رضوان عرفان کی میزبانی میں ایک خصوصی دعوتِ افطار کا انعقاد کیا، جس میں شہر کے مختلف شعبہ ہائے زندگی سے تعلق رکھنے والے معززین اور تاجر رہنماؤں نے شرکت کی۔
راجب بٹ نے ایمان فاطمہ سے شادی کے ختم ہونے کا اعلان کر دیا
تقریب میں چیئرمین یونائیٹڈ مسلم فورم آصف رضا قادری، چیئرمین آل کراچی جیمز جیولرز ایسوسی ایشن شفیع داؤد، چیئرمین سندھ تاجر اتحاد جمیل احمد پراچ، رکن صوبائی اسمبلی شارق جمال، رکن یونائیٹڈ مسلم فورم انجینئر ارشد محفوظ قادری، اور دیگر معزز تاجر رہنماؤں نے بھی شرکت کی، جبکہ شہر کے مختلف علاقوں سے معززین اور تاجر برادری کے اہم افراد نے تقریب کی رونق میں اضافہ کیا۔
شرکاء نے افطار کی محفل میں مل کر ایک دوسرے کے ساتھ افطار کیا اور مختلف سماجی، تجارتی اور معاشرتی امور پر تبادلۂ خیال کیا۔ اس موقع پر فورم کے رہنماؤں نے معاشرتی ہم آہنگی اور تاجر برادری کی ترقی کے حوالے سے اپنے خیالات کا اظہار بھی کیا۔
اس افطار تقریب کا مقصد صرف روزہ افطار کرنا نہیں بلکہ مختلف شعبہ جات کے لوگوں کو ایک پلیٹ فارم فراہم کرنا تھا تاکہ وہ ایک دوسرے کے تجربات سے مستفید ہو سکیں اور شہر کی تاجر کمیونٹی کو مضبوط بنایا جا سکے۔
تقریب کے دوران شریک معززین نے اتحاد، بھائی چارہ، اور معاشرتی ذمہ داری کے اہم پہلوؤں پر زور دیا۔
