کراچی: معروف پاکستانی یوٹیوبر اور فیملی ولاگر راجب بٹ نے باقاعدہ اعلان کیا ہے کہ ان کی شادی ایمان فاطمہ کے ساتھ ختم ہو گئی ہے۔ یہ فیصلہ کئی ماہ کے بعد سامنے آیا جب جوڑے کے ذاتی اختلافات اور عوامی تنازعات سوشل میڈیا پر بار بار زیرِ بحث رہے۔
کراچی: ایس آئی یو/سی آئی اے کی کارروائی، 8.5 کلو منشیات برآمد، دو بین الصوبائی ڈیلرز گرفتار
راجب بٹ نے 2024 میں ایمان فاطمہ سے ایک شاندار تقریب میں شادی کی تھی، جس کی تصاویر اور ویڈیوز سوشل میڈیا پر وائرل ہو گئیں اور مداحوں کی طرف سے جوڑے کو مبارکباد کے پیغامات آئے۔ تاہم شادی کے بعد ہی اختلافات کا آغاز ہوا اور جوڑا زیادہ عرصہ ایک ساتھ نہیں رہ سکا۔
ذرائع کے مطابق راجب بٹ مختلف قانونی معاملات کا بھی سامنا کر رہے تھے، جبکہ ایمان فاطمہ کے بھائی نے سوشل میڈیا پر اپنے بہن کے موقف کو عوام کے سامنے پیش کیا۔ متعدد رپورٹس میں دعویٰ کیا گیا کہ راجب بٹ نے دورانِ حمل اپنی بیوی کے ساتھ بے وفائی کی، جس سے تنازعہ مزید شدت اختیار کر گیا۔
راجب بٹ نے ایک پوڈ کاسٹ میں واضح کیا کہ وہ شادی کو جاری رکھنے کی مزید کوشش نہیں کریں گے اور کہا:
"میں اس شادی سے فارغ ہو گیا ہوں۔”
انہوں نے اپنے بیٹے کیوان کے لیے اپنے عزم کا اظہار کرتے ہوئے کہا کہ وہ ہمیشہ اس کی دیکھ بھال اور محبت کریں گے اور ان کے وسائل بھی مستقبل میں کیوان کے لیے مخصوص رہیں گے۔ راجب بٹ نے بتایا کہ خاندانی تنازعات اور الزامات کی وجہ سے شادی برقرار رکھنا ممکن نہیں رہا، خاص طور پر جب ان کی والدہ کے حوالے سے مبینہ طور پر نامناسب الزامات لگائے گئے۔ انہوں نے کہا کہ ایک سال کی شادی کو والدین کے تعلقات پر ترجیح نہیں دی جا سکتی۔
راجب بٹ کا کہنا ہے کہ اب ان کا فوکس اپنے بیٹے کی پرورش پر ہے اور وہ ہر ممکن طریقے سے اس کے حقوق اور بھلائی کو یقینی بنائیں گے۔ اس فیصلے کے بعد مداحوں میں تشویش کے ساتھ ساتھ بیٹے کے تحفظ پر بھی سوالات اٹھائے جا رہے ہیں۔