لاہور: صوبائی وزیر تعلیم پنجاب Rana Sikandar Hayat نے تعلیمی اداروں کو آن لائن منتقل کرنے اور بند کرنے سے متعلق گردش کرنے والی خبروں کو مسترد کرتے ہوئے واضح کیا ہے کہ صوبے بھر میں تعلیمی ادارے معمول کے مطابق کھلے رہیں گے۔
ملک میں پیٹرولیم مصنوعات کے وافر ذخائر موجود ہیں، اوگرا
وزیر تعلیم نے اپنے بیان میں کہا کہ سوشل میڈیا اور بعض حلقوں کی جانب سے تعلیمی اداروں کی بندش یا آن لائن کلاسز کے آغاز سے متعلق پھیلائی جانے والی اطلاعات میں کوئی صداقت نہیں۔ انہوں نے کہا کہ طلبہ، والدین اور اساتذہ اس قسم کی افواہوں پر توجہ نہ دیں۔
رانا سکندر حیات کے مطابق صوبہ بھر میں سرکاری اور نجی تعلیمی اداروں میں تدریسی سرگرمیاں معمول کے مطابق جاری رہیں گی اور حکومت کی جانب سے تعلیمی نظام میں کسی فوری تبدیلی کا کوئی فیصلہ نہیں کیا گیا۔
انہوں نے مزید کہا کہ حکومت تعلیم کے تسلسل کو یقینی بنانے کے لیے تمام ضروری اقدامات کر رہی ہے اور تعلیمی سرگرمیوں کو متاثر کرنے والی کسی بھی غلط اطلاع کی فوری تردید کی جائے گی۔
صوبائی وزیر تعلیم نے تعلیمی اداروں کی بندش یا آن لائن منتقلی سے متعلق وضاحت اپنے سوشل میڈیا اکاؤنٹ کے ذریعے جاری کی اور کہا کہ طلبہ اپنی تعلیمی سرگرمیوں پر مکمل توجہ رکھیں کیونکہ تعلیمی ادارے معمول کے مطابق کھلے رہیں گے۔