اسلام آباد: پاکستان اور قطر کے درمیان مشترکہ انٹیلی جنس کی بنیاد پر کی گئی کارروائی میں اسلام آباد ایئرپورٹ پر 4.48 کلوگرام کوکین اسمگلنگ کی کوشش ناکام بنا دی گئی۔
رمضان المبارک میں موسم خوشگوار رہنے کی پیشگوئی، دن گرم اور راتیں ٹھنڈی رہیں گی
اینٹی نارکوٹکس فورس (اے این ایف) نے قطری حکام کے اشتراک سے کامیاب آپریشن انجام دیا۔ حکام کے مطابق ایک پاکستانی خاتون مسافر کو ایئرپورٹ پر روکا گیا جو شارجہ سے دوحہ کے راستے اسلام آباد پہنچ رہی تھی۔
خاتون کے ہاتھ میں موجود ٹرالی بیگ کی مکمل تلاشی کے دوران 4.48 کلوگرام کوکین برآمد کی گئی۔ حکام کا کہنا ہے کہ منشیات کو مہارت کے ساتھ بیگ میں چھپایا گیا تھا۔
دورانِ تفتیش ملزمہ نے انکشاف کیا کہ اس کا ہینڈلر، جو مطلوبہ وصول کنندہ سے بھی منسلک تھا، ایئرپورٹ پر ہی موجود ہے۔ اطلاع ملنے پر اے این ایف نے فوری فالو اپ کارروائی کرتے ہوئے ملزم کو اس کی گاڑی سمیت گرفتار کر لیا۔
حکام کے مطابق یہ مشترکہ کارروائی پاکستان اور قطر کے درمیان مؤثر انٹیلی جنس شیئرنگ اور عملی تعاون کی عکاسی کرتی ہے۔