اسپیشل سیکیورٹی یونٹ (SSU) چوکنڈی ہیڈکوارٹرز میں 30 جنوری کو ایک پروقار پاسنگ آؤٹ پریڈ کا انعقاد کیا گیا، جس میں فیڈرل بورڈ آف ریونیو (FBR) کے 20 اہلکار اسپیشلائزڈ سیکیورٹی کورس کامیابی سے مکمل کرنے کے بعد پاس آؤٹ ہوئے۔
وفاقی سیکریٹری کا زور: کشمیری نوجوان اصولوں پر ثابت قدم رہیں، آزادی کی آواز بنیں
کورس کے دوران اہلکاروں کو سیکیورٹی پروٹوکولز، فیلڈ آپریشنز، اسلحہ کے استعمال، جسمانی فٹنس اور حفاظتی فرائض پر جامع تربیت دی گئی تاکہ وہ حساس اور ہائی رسک ماحول میں اپنے فرائض مؤثر انداز میں انجام دے سکیں۔
تقریب کے مہمانِ خصوصی کمانڈنٹ ایس ایس یو عامر خان نیازی نے اہلکاروں سے خطاب کرتے ہوئے کہا کہ اس نوعیت کی خصوصی تربیت ادارہ جاتی سیکیورٹی نظام کو مضبوط بنانے اور ایک پیشہ ور فورس تیار کرنے کے لیے ناگزیر ہے۔ انہوں نے اہلکاروں کی لگن، نظم و ضبط اور جوش و جذبے کو سراہا۔
ڈپٹی چیف سیکیورٹی آفیسر ایف بی آر اصغر خان نے ایس ایس یو انتظامیہ کا شکریہ ادا کرتے ہوئے کہا کہ کورس کے دوران اعلیٰ پیشہ ورانہ معیار قائم رکھا گیا، جو قابلِ تحسین ہے۔ تقریب میں ایس پی چوکنڈی فرح امبرین اور دیگر سینئر افسران بھی موجود تھے۔