کراچی (اسٹاف رپورٹر): وزیر محنت و افرادی قوت و سماجی تحفظ سندھ سعید غنی نے کراچی ایئرپورٹ پر وزیراعلیٰ خیبر پختونخوا سہیل آفریدی کا پرتپاک استقبال کیا۔ اس موقع پر صوبائی وزیر سعید غنی نے وزیراعلیٰ خیبر پختونخوا اور ان کے ہمراہ آنے والے کابینہ کے ارکان کو سندھ کی روایتی اجرک اور سندھی ٹوپی پیش کی۔
عزیزآباد پولیس کی بروقت کارروائی
وزیراعلیٰ خیبر پختونخوا سہیل آفریدی نے کراچی آمد پر شاندار استقبال پر صوبائی وزیر سعید غنی اور سندھ حکومت کا شکریہ ادا کرتے ہوئے کہا کہ سندھ کی ثقافتی روایات محبت اور بھائی چارے کی علامت ہیں۔
تقریب کے دوران خوشگوار ماحول دیکھنے میں آیا جبکہ دونوں صوبوں کے درمیان ہم آہنگی اور باہمی احترام کے اظہار کو سراہا گیا۔ وزیراعلیٰ خیبر پختونخوا کے دورہ کراچی کے دوران مختلف سیاسی و سماجی شخصیات سے ملاقاتیں بھی متوقع ہیں۔
