ڈسٹرکٹ سٹی پولیس کی کارروائی، اسٹریٹ کرائمز میں ملوث دو عادی ملزمان گرفتار

کراچی (کرائم رپورٹر) — ڈسٹرکٹ سٹی پولیس نے مختلف ٹارگٹڈ کارروائیوں کے دوران اسٹریٹ کرائمز کی متعدد وارداتوں میں ملوث دو عادی ملزمان کو گرفتار کرلیا۔

شرجیل انعام میمن کی جانب سے معروف اینکرز کے اعزاز میں ضیافت — فریال تالپور و دیگر رہنماؤں کی شرکت

پولیس کے مطابق کارروائیاں تھانہ چاکیواڑہ اور کلاکوٹ کی حدود میں عمل میں لائی گئیں، جن کے دوران محمد شیس اور حنیف نامی ملزمان کو گرفتار کیا گیا۔

پولیس نے گرفتار ملزمان کے قبضے سے دو پستول بمعہ راؤنڈز برآمد کیے۔ ابتدائی تفتیش میں انکشاف ہوا ہے کہ دونوں ملزمان پیشہ ور اسٹریٹ کریمنلز ہیں جو شہر کے مختلف علاقوں میں وارداتیں کرتے تھے۔

پولیس نے بتایا کہ ملزمان کے خلاف مقدمات درج کر لیے گئے ہیں جبکہ ان کا سابقہ کرمنل ریکارڈ بھی چیک کیا جا رہا ہے۔

ملزمان کو مزید قانونی کارروائی کے لیے انویسٹی گیشن حکام کے حوالے کر دیا گیا ہے۔