ملیر ڈویلپمنٹ اتھارٹی میں بڑی کارروائی: کامران خان ستی کی سروس جعلی قرار، گریڈ 18 سے گریڈ 14 میں تنزلی

کراچی (اسٹاف رپورٹ) — ملیر ڈویلپمنٹ اتھارٹی (ایم ڈی اے) سے اہم خبر سامنے آئی ہے، جس کے مطابق لوکل گورنمنٹ کی موجودہ انتظامیہ نے افسر کامران خان ستی کی سروس کو جعلی قرار دے دیا ہے۔

نیب کا بڑا اقدام: ایس بی سی اے سے غیر قانونی شادی ہالز کی فہرست طلب

انتظامیہ کے مطابق کامران خان ستی کو ثبوتوں کی روشنی میں گریڈ 18 (BPS-18) سے تنزلی کرتے ہوئے گریڈ 14 (BPS-14) میں واپس پرینٹ ڈیپارٹمنٹ ڈہرکی، ضلع گھوٹکی بھیج دیا گیا ہے۔

کامران خان ستی 2015ء سے ملیر ڈویلپمنٹ اتھارٹی میں گریڈ 17 میں خدمات انجام دے رہے تھے، جبکہ حال ہی میں انہیں لوکل گورنمنٹ کی جانب سے غیر قانونی طور پر گریڈ 18 میں ترقی دی گئی تھی۔

ذرائع کے مطابق یہ اقدام محکمہ بلدیات میں جاری احتسابی عمل اور غیر قانونی بھرتیوں و ترقیوں کے خلاف سخت کارروائی کا حصہ ہے۔