کراچی: ایف آئی اے کارپوریٹ کرائم سرکل کراچی نے رینجرز کے ساتھ مشترکہ کارروائی کرتے ہوئے جعلی امریکی ڈالر فروخت کرنے والے ملزم کو گرفتار کر لیا۔
مچھر کالونی کا خطرناک بھتہ خور پولیس مقابلے میں زخمی، ایک ساتھی ہلاک
ترجمان ایف آئی اے کے مطابق کارروائی انٹیلیجنس معلومات کی بنیاد پر موبائل مارکیٹ صدر میں کی گئی، جہاں ملزم محمد شفیق کو جعلی ڈالرز فروخت کرتے ہوئے رنگے ہاتھوں گرفتار کیا گیا۔
گرفتار ملزم کے قبضے سے 94 ہزار جعلی امریکی ڈالر، 16 ہزار 180 روپے نقد اور ایک موبائل فون بھی برآمد ہوا۔ حکام کے مطابق ملزم کے خلاف مقدمہ درج کر کے مزید تفتیش شروع کر دی گئی ہے۔