کراچی (اسٹاف رپورٹر) ایس ایس پی ڈسٹرکٹ سینٹرل ذیشان شفیق صدیقی کی جانب سے افسران و ملازمان کو بہترین کارکردگی پر تعریفی اسناد اور انعامات دینے کا سلسلہ جاری ہے۔ ترجمان کے مطابق یومِ شہداءِ پولیس کے موقع پر خواتین پولیس اہلکار کو بہترین ڈیوٹی سرانجام دینے پر تعریفی سند (CC-III) اور کیش انعام دیا گیا۔
ایس ایس پی ذیشان شفیق صدیقی نے خواتین پولیس اہلکاروں کی خدمات کو سراہتے ہوئے کہا کہ وہ محکمہ پولیس کا اہم حصہ ہیں اور ان کی کارکردگی قابلِ فخر ہے۔ ان کا کہنا تھا کہ پولیس فورس کے ہر افسر و اہلکار کو اپنی ذمہ داریاں بھرپور طریقے سے انجام دینا چاہییں تاکہ عوام کا اعتماد مزید مضبوط ہو۔
