اتر پردیش: بھارتی ریاست اتر پردیش کے ضلع پیلی بھیت میں ایک حیران کن اور افسوسناک واقعہ سامنے آیا ہے جہاں بیوی نے اپنے شوہر کو صرف اس بات پر شدید تشدد کا نشانہ بنایا کہ وہ سموسے لے کر گھر نہیں آیا۔
راولپنڈی: علیمہ خان پر پریس کانفرنس کے دوران انڈا پھینکنے والی دو خواتین گرفتار
بھارتی میڈیا کے مطابق شوہر شیوم کی بیوی سنگیتا نے سموسے لانے کی فرمائش کی تھی، لیکن جب وہ نہ لا سکا تو اگلے روز سنگیتا نے اپنے والدین اور ماموں کو بلا کر گاؤں کی پنچایت میں شوہر کو زبردستی حاضر کیا اور سب نے مل کر اس پر وحشیانہ تشدد کیا۔
اس واقعے کی ویڈیو سوشل میڈیا پر تیزی سے وائرل ہوگئی جس کے بعد پولیس حرکت میں آگئی۔ متاثرہ شخص کی والدہ وجے کماری نے پولیس کو تحریری شکایت درج کرائی جس پر سنگیتا، اس کے والدین اور ماموں سمیت چار افراد کے خلاف مقدمہ درج کیا گیا۔
پولیس حکام کا کہنا ہے کہ ملزمان کے خلاف بھارتیہ نیايا سنہ (بی این ایس) کے تحت اقدامِ قتل کی دفعات لگائی گئی ہیں اور واقعے کی تحقیقات جاری ہیں۔ متاثرہ شیوم کو طبی امداد فراہم کی جارہی ہے اور پولیس کے مطابق مقدمے کی روشنی میں ملزمان کے خلاف سخت قانونی کارروائی عمل میں لائی جائے گی۔