کراچی (اسٹاف رپورٹر) گورنر سندھ کامران خان ٹیسوری نے چائنیز قونصل خانے کا دورہ کیا، جہاں قونصل جنرل چین یانگ یون ڈونگ اور سفارتی عملے نے ان کا پُرتپاک استقبال کیا۔ اس موقع پر گورنر سندھ اور قونصل جنرل نے شجرکاری مہم کے تحت پودا لگا کر یادگاری تختی کی رونمائی بھی کی۔
لاہور: کتابوں کے صفحات میں آئس چھپا کر بیرون ملک اسمگلنگ کی کوشش ناکام
گورنر سندھ کامران خان ٹیسوری نے کہا کہ بیرونی سرمایہ کاروں کو ہر ممکن تعاون فراہم کیا جا رہا ہے، جبکہ ماحولیاتی تبدیلی کے اثرات سے محفوظ رہنے کے لیے شجرکاری مہم کا تسلسل وقت کی سب سے بڑی ضرورت ہے۔ انہوں نے عوام پر زور دیا کہ وہ اس مہم میں بڑھ چڑھ کر حصہ لیں تاکہ آنے والی نسلوں کو بہتر ماحول فراہم کیا جا سکے۔
چائنیز قونصل جنرل یانگ یون ڈونگ نے پاک چین دوستی کو مثالی قرار دیتے ہوئے کہا کہ شجرکاری مہم ماحول کے تحفظ کی جانب ایک اہم قدم ہے اور دونوں ممالک مل کر ایسے اقدامات کو فروغ دیتے رہیں گے۔