تھانہ اتحاد ٹاؤن کی تفتیشی ٹیم نے تکنیکی بنیادوں پر کارروائی کرتے ہوئے گلشن غازی قتل کیس میں ملوث ایک ملزم کو گرفتار کرلیا۔
تفصیلات کے مطابق 17 اگست 2025 کو گلشن غازی کے علاقے میں بخت ریز کو فائرنگ کرکے قتل کیا گیا تھا۔ پولیس کے مطابق قتل کی واردات پرانی دشمنی کا شاخسانہ تھی، جبکہ مقتول کے خلاف تھانہ مدینہ کالونی میں بھی قتل کا مقدمہ درج تھا جس سے وہ کچھ دن قبل ہی عدالت سے بری ہوا تھا۔
واقعے کا مقدمہ الزام نمبر 351/25 بجرم دفعہ 302/109/34 تعزیراتِ پاکستان درج کیا گیا تھا۔ تفتیشی ٹیم نے کارروائی کرتے ہوئے ملزم فرید خان ولد محمد انور کو گرفتار کرلیا۔
کارروائی ایس آئی او تھانہ اتحاد ٹاؤن سب انسپکٹر ناصر خان نے اپنی ٹیم کے ہمراہ کی۔ پولیس کے مطابق گرفتار ملزم سے مزید تفتیش جاری ہے جبکہ دیگر نامزد ملزمان کی تلاش کے لیے چھاپے مارے جا رہے ہیں۔