کراچی: سندھ کی اینٹی کرپشن کورٹ نے نسلہ ٹاور کی غیر قانونی زمین الاٹمنٹ کیس میں سابق ڈی جی ایس بی سی اے منظور کاکا سمیت 27 ملزمان کو عدم شواہد کی بنیاد پر بری کر دیا۔
کٹی پہاڑی پر لینڈ سلائیڈنگ، ضلعی انتظامیہ کا بروقت ایکشن
عدالت نے اپنے فیصلے میں کہا کہ پراسیکیوشن ملزمان کے خلاف الزامات ثابت کرنے میں ناکام رہا ہے۔ ملزمان پر الزام تھا کہ انہوں نے نسلہ ٹاور کے لیے زمین کو غیر قانونی طور پر بڑھایا اور رشوت وصولی میں ملوث رہے۔ کیس کے مطابق 700 گز زمین کو بڑھا کر 1100 گز دکھایا گیا تھا۔
یاد رہے کہ تین سال قبل سابق چیف جسٹس پاکستان جسٹس (ر) گلزار احمد نے شارع فیصل پر قائم نسلہ ٹاور کو غیر قانونی قرار دیتے ہوئے اسے منہدم کرنے کا حکم دیا تھا۔ انتظامیہ نے 69 دن کے مسلسل عمل کے بعد 15 منزلہ عمارت کو مکمل طور پر گرا دیا تھا۔