چیف آف آرمی اسٹاف جنرل سید عاصم منیر نے بہاولپور چھاونی کا دورہ کیا، جہاں انہیں بہاولپور کور کی آپریشنل تیاریوں اور تربیتی امور پر بریفنگ دی گئی۔ آئی ایس پی آر کے مطابق، آرمی چیف نے افسروں اور جوانوں کے بلند حوصلے، لگن اور جنگی تیاریوں کو سراہا۔
دورے کے دوران، جنرل عاصم منیر نے سی ایم ایچ انسٹیٹیوٹ آف میڈیکل سائنسز، انووسٹا چولستان اور انٹیگریٹڈ کمبیٹ سمولیٹر ارینا کا افتتاح کیا۔ انہوں نے کہا کہ سخت اور جدید تربیت ہی ایک پیشہ ور سپاہی کی بنیادی خصوصیت ہونی چاہیے تاکہ پاک فوج ہر چیلنج کا مقابلہ کر سکے۔
آرمی چیف کے اس دورے کا مقصد بہاولپور کور کی جنگی تیاریوں کا جائزہ لینا اور سپاہیوں کی تربیت کو جدید جنگی تقاضوں کے مطابق یقینی بنانا تھا۔
