ملیر انویسٹیگیشن ونگ نے ایس ایس پی انویسٹیگیشن ملیر کی ہدایت پر مختلف مقدمات میں مطلوب اور مفرور ملزمان کے خلاف کارروائیاں کیں۔ کارروائیوں کے دوران متعدد ملزمان کو گرفتار کیا گیا، جبکہ ایک مغویہ کو بھی بازیاب کر لیا گیا۔
قائد آباد میں مغویہ بازیاب
تھانہ قائد آباد کی تفتیشی ٹیم نے مقدمہ نمبر 113/2026 کے تحت کارروائی کرتے ہوئے مغویہ مسرت زوجہ شاہ زمان کو بحفاظت بازیاب کر لیا۔
پولیس کے مطابق بازیاب خاتون کو بیان کے لیے مجاز عدالت میں پیش کیا جائے گا۔
ڈسٹرکٹ سینٹرل پولیس: جرائم پیشہ عناصر، غیر قانونی تعمیرات اور افغان باشندوں کے خلاف کارروائیاں
میمن گوٹھ میں قتل کیس کا ملزم گرفتار
تھانہ میمن گوٹھ کی تفتیشی ٹیم نے قتل کے مقدمہ نمبر 279/2026 میں مطلوب ملزم شکیل احمد کو گرفتار کر لیا۔
پولیس کے مطابق ملزم کی نشاندہی پر واردات میں استعمال ہونے والا 30 بور پستول، میگزین اور دو زندہ راؤنڈ بھی برآمد کیے گئے۔
اس برآمدگی پر آرمز ایکٹ کے تحت الگ مقدمہ نمبر 282/2026 بھی درج کر لیا گیا۔
فراڈ مقدمے میں ایک اور گرفتاری
اسی تھانے کی ایک اور کارروائی میں پولیس نے فراڈ کے مقدمہ نمبر 5/2026 میں مطلوب ملزم فیاض کو گرفتار کر لیا۔
یہ مقدمہ تھانہ ملیر کینٹ میں درج ہے۔
شاہ لطیف ٹاؤن میں مفرور ملزمان گرفتار
تھانہ شاہ لطیف ٹاؤن کی تفتیشی ٹیم نے قتل کے مقدمے میں مفرور دو ملزمان ساجد اور محمد واجد کو گرفتار کر لیا۔
پولیس کے مطابق دونوں ملزمان کے خلاف مزید قانونی کارروائی جاری ہے۔
انویسٹیگیشن ونگ کا کہنا ہے کہ تمام مقدمات کی مزید تفتیش جاری ہے۔
