کراچی میں ایڈیشنل آئی جی کراچی جاوید عالم اوڈھو نے پریس کلب میں ایک تقریب سے خطاب کیا، جس میں انہوں نے شہر میں ٹریفک حادثات کے بڑھتے ہوئے واقعات اور پولیس کی جانب سے کی جانے والی اصلاحات پر بات کی۔
پاک فوج کا بھارتی جارحیت کا منہ توڑ جواب، ایل او سی پر مزید 3 بھارتی پوسٹیں تباہ
جاوید عالم اوڈھو نے کہا کہ "پاکستانی قوم بہت مزیدار ہے اور جنگ کو بھی کھیل کی طرح سمجھ رہی ہے، تاہم ٹریفک حادثات کی بڑھتی ہوئی تعداد ایک سنگین مسئلہ ہے۔” انہوں نے مزید کہا کہ جب کرائم کی شرح کم ہوئی تو ٹریفک حادثات کی تعداد میں اضافہ ہوا، کیونکہ اس دوران ٹریفک حادثات کی رپورٹنگ کو بڑھا دیا گیا ہے اور اب ایک چھوٹا حادثہ بھی رپورٹ ہو رہا ہے۔
انہوں نے کہا کہ "پیر محمد شاہ صاحب کی قیادت میں ٹیم اچھا کام کر رہی ہے اور ہم نے ایک ایڈوائزری پینل تشکیل دیا ہے جس میں یونیورسٹی کے نمائندے بھی شامل ہیں۔”
ایڈیشنل آئی جی کراچی نے مزید کہا کہ "آپ دیکھیں گے کہ کچھ عرصے میں بہتری آئے گی۔ اپریل کے مہینے میں 54 ٹریفک حادثات رپورٹ ہوئے ہیں اور اس کے علاوہ ہم نے ایک مہینے میں 34 ہزار چالان کیے ہیں۔”
انہوں نے شہریوں کو مطلع کیا کہ پولیس کی جانب سے ٹریفک حادثات کی روک تھام کے لئے مزید اقدامات کیے جا رہے ہیں اور یہ عمل جاری رہے گا۔