ایف آئی اے اینٹی کرپشن سرکل کراچی نے حوالہ ہنڈی کے نیٹ ورک میں ملوث ایک ملزم کو گرفتار کر لیا ہے۔ ملزم کاظم رضا کو کراچی کے نشتر پارک نمائش کے علاقے میں واقع ایک فلیٹ سے چھاپہ مار کارروائی کے دوران گرفتار کیا گیا۔
آرمی چیف کا برطانیہ کا دورہ ساتویں ریجنل سٹیبلائزیشن کانفرنس میں شرکت
کارروائی کے دوران ملزم سے 90 لاکھ روپے نقد برآمد ہوئے، جن میں غیر ملکی کرنسی بھی شامل تھی، جن میں 8 ہزار امریکی ڈالر، 37 ہزار عراقی دینار، 110 سعودی ریال، اور 2000 تنزانیہ شلنگ شامل تھے۔ مزید برآں، ملزم سے 2 موبائل فون اور حوالہ ہنڈی سے متعلق ریکارڈ بھی برآمد کیا گیا۔
ملزم کاظم رضا برآمد ہونے والی کرنسی کے حوالے سے حکام کو مطمئن نہ کر سکا۔ یہ کارروائی ڈائریکٹر کراچی زون کی ہدایت پر خفیہ اطلاع کی بنیاد پر کی گئی، اور ملزم کو گرفتار کر کے تفتیش کا آغاز کر دیا گیا ہے۔ اس کے علاوہ، دیگر ملزمان کی گرفتاری کے لیے مزید چھاپے مارے جا رہے ہیں۔