کراچی کے علاقے گارڈن ویسٹ میں دو بچوں کے اغوا کا معاملہ 12 دن گزر جانے کے باوجود حل نہیں ہو سکا۔ 6 سالہ علی رضا اور 4 سالہ علیان کے والدین نے حکام سے فوری بازیابی کی اپیل کی ہے اور کہا ہے کہ اگر اگلے 24 گھنٹوں میں ان کے بچوں کو بازیاب نہیں کرایا گیا تو وہ گورنر ہاؤس کے سامنے دھرنا دیں گے۔
عبدالعلیم خان کا کہنا ہے کہ ریاست اور دھرتی ہماری ریڈلائن ہیں
علی رضا کی والدہ نے میڈیا سے بات کرتے ہوئے کہا کہ ان کے بچوں کی بازیابی میں کوئی پیشرفت نہیں ہو سکی، جبکہ دیگر علاقوں میں اغوا ہونے والے بچوں کو بازیاب کر لیا گیا ہے۔ انہوں نے حکام سے مطالبہ کیا کہ ان کے بچوں کو بھی جلد بازیاب کیا جائے۔
پولیس ذرائع کے مطابق، اس معاملے کی تحقیقات جاری ہیں مگر ابھی تک کوئی اہم پیشرفت سامنے نہیں آئی۔ ڈی آئی جی ساؤتھ نے تفتیشی کمیٹی تشکیل دی ہے اور ایس ایس پی سٹی عارف عزیز کا کہنا ہے کہ تفتیشی ٹیم روزانہ کی بنیاد پر کارروائی کر رہی ہے۔ پولیس نے لیاری ندی سمیت مختلف علاقوں میں سرچ آپریشن بھی کیا ہے، تاہم ابھی تک دونوں بچوں کا کوئی سراغ نہیں مل سکا۔