پاکستان ملٹری اکیڈمی کاکول میں 154ویں لانگ کورس کا سلیوٹنگ ٹیسٹ منعقد ہوا، جس میں 154ویں لانگ کورس، 37ویں ٹیکنیکل گریجویٹ کورس، 70ویں انٹیگریٹڈ کورس اور 25ویں لیڈی کیڈٹ کورس کے کیڈٹس نے شرکت کی۔
آزاد کشمیر کے ضلع کوٹلی میں پاک فوج کا فری میڈیکل اینڈ ڈینٹل کیمپ، 800 سے زائد افراد مستفید
اس پہلی مشترکہ فوجی تربیت میں 485 پاک آرمی، 111 پاک بحریہ، اور 42 پاک فضائیہ کے کیڈٹس شامل ہیں، جو پاکستان ملٹری اکیڈمی میں مشترکہ تربیتی ماڈیولز اور مشقوں کا حصہ بنیں گے۔
تقریب کے دوران کمانڈنٹ پاکستان ملٹری اکیڈمی نے آرمی، نیوی اور ایئر فورس کے کیڈٹس سے خطاب کیا اور انہیں قیادت، عسکری حکمت عملی، اور مشترکہ آپریشنز کی اہمیت سے آگاہ کیا۔
بحریہ اور فضائیہ کے کیڈٹس کی شمولیت سے مسلح افواج میں باہمی تعاون اور کثیر خدماتی نقطہ نظر کو فروغ ملے گا، جو قیادت اور جنگی حکمت عملی کے شعبوں میں مشترکہ فوجی مہارت کو مضبوط بنائے گا۔
یہ تربیتی پروگرام مسلح افواج میں اتحاد، ہم آہنگی اور مشترکہ آپریشنز کے فروغ کے لیے ایک اہم سنگ میل قرار دیا جا رہا ہے۔