کراچی: کھلے اور ٹوٹے مین ہولز کی شکایات پر واٹر کارپوریشن کی تیزی سے کارروائی، 70 فیصد مسائل حل

کراچی: میئر کراچی بیرسٹر مرتضیٰ وہاب کی ہدایات پر عمل کرتے ہوئے واٹر کارپوریشن نے کمپلینٹ مینجمنٹ سینٹر کی ہیلپ لائن نمبر 1334 پر موصول ہونے والی کھلے اور ٹوٹے مین ہولز کی شکایات کے حل میں پیشرفت کی ہے۔

مدح صحابہؓ جلوس: حضرت امیر معاویہؓ کے یوم وفات پر عام تعطیل کا مطالبہ

ترجمان واٹر کارپوریشن کے مطابق کھلے مین ہولز کی 1305 شکایات میں سے 841 کو حل کر دیا گیا، جبکہ ٹوٹے ہوئے مین ہولز کی 399 شکایات میں سے 200 پر عملدرآمد کرتے ہوئے سیوریج نظام بحال کر دیا گیا ہے۔ باقی شکایات کے حل کا سلسلہ تیزی سے جاری ہے۔

شہر کے مختلف علاقوں میں شکایات موصول ہوئیں، جن میں صفورہ ٹاؤن، اورنگی، جناح، کلفٹن، چنیسر، بلدیا، سائٹ، کورنگی، منگھو پیر، لانڈھی، نیو کراچی، مومن آباد، صدر، نارتھ ناظم آباد، گلبرگ، گلستان جوہر، ملیر، لیاری، شاہ فیصل، کیماڑی، گلشن اقبال، ناظم آباد اور لیاقت آباد شامل ہیں۔

ترجمان کے مطابق 70 فیصد شکایات کو حل کر لیا گیا ہے، جبکہ باقی 30 فیصد شکایات پر تیزی سے کام جاری ہے۔

حکام نے بتایا کہ میئر کراچی نے شہریوں کی سہولت کے لیے واٹر کارپوریشن کا کمپلینٹ مینجمنٹ سینٹر قائم کیا ہے، جہاں شہری 24 گھنٹے پانی کی فراہمی اور سیوریج کی شکایات درج کروا سکتے ہیں۔ درج شدہ شکایات کو جلد از جلد حل کرنے کے لیے اقدامات کیے جا رہے ہیں، اور میئر کراچی بذات خود اس عمل کی نگرانی کر رہے ہیں۔

شہری کسی بھی وقت اپنی شکایات ہیلپ لائن 1334 یا متعلقہ ڈویژن میں درج کروا سکتے ہیں۔ حکام کا کہنا ہے کہ شہریوں کو بہتر سہولیات فراہم کرنا ہماری اولین ترجیح ہے۔

64 / 100

One thought on “کراچی: کھلے اور ٹوٹے مین ہولز کی شکایات پر واٹر کارپوریشن کی تیزی سے کارروائی، 70 فیصد مسائل حل

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!