(تشکر نیوز) کراچی میں انٹرمیڈیٹ کے امتحانات میں بڑی تعداد میں طلبہ کے فیل ہونے کے معاملے کی تحقیقات کے لیے سندھ اسمبلی نے 8 رکنی پارلیمانی کمیٹی تشکیل دے دی ہے۔ اس کمیٹی کا نوٹیفکیشن جاری کردیا گیا ہے، اور اس کے چیئرمین سید سردار علی شاہ ہوں گے۔
وزارت توانائی کا جون تک بجلی کی قیمت میں بڑی کمی کا اعلان
نوٹیفکیشن کے مطابق کمیٹی کے دیگر اراکین میں ایم پی ایز سعدیہ جاوید، یوسف بلوچ، اعجاز خان، عبدالوسیم، طلحہ احمد خان، محمد فاروق، اور شبیر قریشی شامل ہیں۔
واضح رہے کہ حالیہ انٹرمیڈیٹ امتحانات کے نتائج میں پری میڈیکل اور پری انجینئرنگ کے طلبہ کی کامیابی کا تناسب نہایت کم رہا۔ پری میڈیکل کے 19 ہزار طلبہ فیل ہوئے اور کامیابی کا تناسب صرف 33 فیصد رہا، جبکہ پری انجینئرنگ میں 22 ہزار میں سے صرف 6 ہزار طلبہ کامیاب ہوئے، اور کامیابی کا تناسب 29 فیصد تھا۔
امتحانی نتائج میں مبینہ بے ضابطگیوں پر طلبہ کی جانب سے شدید اعتراضات اٹھائے گئے، جبکہ ایم کیو ایم اور جماعت اسلامی نے اس معاملے پر سخت تنقید کی۔ طلبہ نے پیپرز ری چیک کرنے کا مطالبہ کیا، جس کے بعد کراچی انٹرمیڈیٹ بورڈ نے اسکروٹنی فیس ختم کرنے اور 30 دن کے اندر اسکروٹنی مکمل کرنے کا اعلان کیا۔