کراچی: سندھ پولیس کے 50 سے زائد افسران و اہلکاروں کے خلاف منشیات فروشوں کی سرپرستی اور سہولت کاری کے الزام پر انکوائری کا آغاز کردیا گیا ہے۔ اس حوالے سے آئی جی سندھ نے نوٹس لیا اور ایس ایس پی بدین شیراز نذیر کو انکوائری افسر مقرر کیا گیا ہے۔
میوہ شاہ روڈ کی تعمیر کا آغاز، میئر کراچی کا عوامی سہولت کے لیے منصوبے مکمل کرنے کا عزم
پولیس حکام کے مطابق ملوث افراد میں ڈی ایس پی سطح کے افسران سمیت میرپورخاص ضلع کے 33 افسران و اہلکار شامل ہیں۔ ڈی آئی جی زبیر دریشک نے بتایا کہ تمام افسران و اہلکاروں کو شوکاز نوٹس جاری کرکے ان سے جواب طلب کیا گیا ہے۔
انہوں نے کہا کہ جوابات کا جائزہ لینے کے بعد مزید کارروائی کا فیصلہ ہوگا۔ الزامات درست ثابت ہونے پر ملوث افسران اور اہلکاروں کو ملازمت سے برطرف کیا جائے گا۔