تشکر نیوز: کراچی: اینٹی وہیکل لفٹنگ سیل (اے وی ایل سی) نے ایک اور کامیاب کارروائی کرتے ہوئے تین شوقیہ موٹر سائیکل چوروں کو گرفتار کر لیا۔ کارروائی جمشید ڈویژن کی ٹیم نے دوران چیکنگ انجام دی۔
نیو کراچی ٹاؤن میں 12 سو فٹ نئی پانی کی لائن کی تنصیب، چیئرمین محمد یوسف کا عوامی مسائل کے حل کا عزم
گرفتار ملزمان کی شناخت صدیق، نبیل، اور عدنان عرف کشمیری کے ناموں سے ہوئی ہے۔ پولیس کے مطابق ملزم نبیل اور عدنان عرف کشمیری شوقیہ طور پر موٹر سائیکلیں چوری کرتے ہیں اور پٹرول ختم ہونے پر انہیں چھوڑ دیتے ہیں۔ جبکہ ملزم صدیق، جو کہ نشے کا عادی ہے، سرقہ شدہ موٹر سائیکل پٹرول ختم ہونے تک چلا کر دوسری چوری کر لیتا ہے۔
اے وی ایل سی کی ٹیم نے گلشن اقبال اور بلوچ کالونی کے علاقوں سے چوری شدہ دو موٹر سائیکلیں برآمد کر لی ہیں۔ ملزمان سے مزید تفتیش جاری ہے اور دیگر وارداتوں میں ملوث ہونے کے شواہد اکٹھے کیے جا رہے ہیں۔
Tag: #Karachi #AVLC #MotorcycleTheft #CrimeControl #PoliceAction
