کاکول: پاکستان ملٹری اکیڈمی (پی ایم اے) میں آرمی، نیوی، اور فضائیہ کے کیڈٹس کی مشترکہ عسکری تربیت کا آغاز 1 دسمبر 2024 سے ہو گیا۔ یہ تربیتی پروگرام پانچ ماہ پر محیط ہوگا، جس کے دوران تینوں مسلح افواج کے کیڈٹس بنیادی عسکری تربیت حاصل کریں گے۔
پاکستان نے پہلے ٹی 20 میں زمبابوے کو شکست دے دی
پی ایم اے، پاکستان کی بری فوج کا ایک ممتاز تربیتی ادارہ ہے، جو مسلح افواج کے لیے قابل اور پیشہ ور قیادت فراہم کرتا ہے۔ اس مشترکہ تربیتی پروگرام کا مقصد کیڈٹس کو مشترکہ آپریشنز کے لیے ایک جامع اور ہم آہنگ عسکری نقطہ نظر فراہم کرنا ہے۔
یہ تربیت نہ صرف ملکی دفاع کو مضبوط کرے گی بلکہ باہمی نظم و ضبط، قیادت، اور جنگی ضروریات کے لیے ہم آہنگی کو بھی یقینی بنائے گی۔ کسی بھی جنگ میں بری، بحری، اور فضائی افواج کے مابین ربط اور تعاون فتح کا بنیادی عنصر ہے، اور یہ تربیتی پروگرام اس پہلو کو مزید مضبوط کرے گا۔
مشترکہ عسکری تربیت مسلح افواج میں پیشہ ورانہ یکسانیت، جرات، نظم و ضبط، اور اتحادِ عمل کو فروغ دینے میں معاون ثابت ہوگی۔ پاکستان کی مسلح افواج اپنی پیشہ ورانہ مہارت، نظم و ضبط، اور قابل اعتماد قیادت کے باعث دنیا بھر میں منفرد مقام رکھتی ہیں۔
