راولپنڈی: شمالی وزیرستان میں پاک افغان سرحد کے قریب سکیورٹی فورسز نے کامیاب آپریشن کرتے ہوئے 6 خوارج کو ہلاک کر دیا۔ آئی ایس پی آر کے مطابق انٹیلی جنس اطلاعات کی بنیاد پر سپن وام کے علاقے میں یہ کارروائی کی گئی۔
میئر کراچی بیرسٹر مرتضیٰ وہاب کا جمیلہ پمپنگ اسٹیشن کا رات گئے دورہ
پاک فوج کے ترجمان نے بتایا کہ آپریشن کے دوران 6 خارجی دہشت گرد مارے گئے، جبکہ 6 مزید زخمی ہوئے۔ ہلاک شدگان کے قبضے سے بڑی مقدار میں اسلحہ اور بارودی مواد برآمد کیا گیا۔ آئی ایس پی آر کا کہنا ہے کہ یہ دہشت گرد سکیورٹی فورسز پر حملوں اور شہریوں کی ہلاکتوں میں ملوث تھے۔
علاقے میں مزید دہشت گردوں کی تلاش اور سیکیورٹی کو یقینی بنانے کے لیے سینیٹائزیشن آپریشن جاری ہے۔ ترجمان نے کہا کہ پاکستان کی سکیورٹی فورسز وطن عزیز کو دہشت گردی سے پاک کرنے کے عزم پر قائم ہیں۔