پاکستان رینجرز سندھ کے ہیڈکوارٹرز میں ڈی جی رینجرز سندھ کی زیر صدارت اعلیٰ سطح کا سیکیورٹی اجلاس منعقد ہوا۔
اجلاس میں شہر کی مجموعی امن و امان کی صورتحال کا جائزہ لیا گیا۔ شرکا نے سیکیورٹی انتظامات مزید بہتر بنانے پر زور دیا۔
پولیس اور حساس اداروں کے افسران کی شرکت
اجلاس میں آئی جی سندھ، ایڈیشنل آئی جی سی ٹی ڈی اور ایڈیشنل آئی جی اسپیشل برانچ شریک ہوئے۔
اس کے علاوہ جوائنٹ ڈی جی آئی بی، چیف کوآرڈینیٹر پیفٹیک اور مختلف شعبوں کے ڈی آئی جیز نے شرکت کی۔
شرکا میں اسپیشل برانچ، ویسٹ، ٹریفک، سی آئی اے، سی ٹی ڈی، ساؤتھ اور ایسٹ کے ڈی آئی جیز شامل تھے۔
اجلاس میں ایڈیشنل کمشنر ون، ایڈیشنل سیکریٹری آئی ایس ہوم ڈیپارٹمنٹ، رینجرز اور حساس اداروں کے افسران بھی موجود تھے۔
مشترکہ آپریشن اور چیکنگ سخت کرنے کی ہدایت
ترجمان رینجرز کے مطابق اجلاس میں صوبے، بالخصوص کراچی میں امن و امان بہتر بنانے پر زور دیا گیا۔
قانون نافذ کرنے والے اداروں کو دہشت گردوں اور شرپسند عناصر کے خلاف مشترکہ کارروائیاں مؤثر بنانے کی ہدایت کی گئی۔
شہر کے داخلی اور خارجی راستوں پر چیکنگ مزید سخت کرنے کا فیصلہ بھی کیا گیا۔
اجلاس میں حساس تنصیبات کی سیکیورٹی یقینی بنانے پر بھی زور دیا گیا۔ شرکا نے سرچ، کومبنگ اور انٹیلی جنس بیسڈ آپریشنز بڑھانے پر اتفاق کیا۔
بھتہ خوری اور غیرقانونی اسلحے کے خلاف کارروائیاں
اجلاس میں بھتہ خوری، اسلحے کی غیرقانونی ترسیل اور دیگر جرائم کے خلاف کارروائیاں تیز کرنے کا لائحہ عمل طے کیا گیا۔
غیر تصدیق شدہ بھتہ خوری رپورٹس کی روک تھام پر بھی بات چیت ہوئی۔ اس کا مقصد عادی مجرموں کے خلاف کارروائیوں کو مزید مؤثر بنانا ہے۔
ترجمان رینجرز کے مطابق شہر میں کسی کو امن و امان خراب کرنے یا قانون ہاتھ میں لینے کی اجازت نہیں دی جائے گی۔
خلاف ورزی کرنے والوں کے خلاف بلاامتیاز سخت قانونی کارروائی کی جائے گی۔ قانون کی بالادستی اور ریاستی رٹ ہر صورت برقرار رکھی جائے گی۔
شہریوں سے اطلاع دینے کی اپیل
پاکستان رینجرز سندھ نے شہریوں سے شرپسند عناصر اور مشکوک سرگرمیوں کی فوری اطلاع دینے کی اپیل کی ہے۔
شہری تعینات رینجرز اہلکاروں، ہیلپ لائن 1101 یا مددگار واٹس ایپ نمبر 03479001111 پر کال یا ایس ایم ایس کرسکتے ہیں۔
I’ve been browsing online more than three hours today,
yet I never found any interesting article like yours. It is pretty worth
enough for me. In my view, if all web owners and bloggers made good content as you
did, the internet will be much more useful than ever before.