سچل انویسٹیگیشن پولیس نے ابوالحسن اصفہانی روڈ کے علاقے بھکر گبول گوٹھ سے مبینہ طور پر اغوا ہونے والی 14 سالہ لڑکی کو بازیاب کرالیا۔ پولیس نے مقدمے میں دو ملزمان کو گرفتار کرلیا ہے۔
اہلخانہ کے مطابق لڑکی 2 اکتوبر کو اسکول جانے کے لیے گھر سے نکلی تھی، لیکن واپس نہیں آئی۔ اس کے بعد اہلخانہ نے تھانہ سچل میں اغوا کا مقدمہ درج کرایا۔
پولیس نے قائداعظم کالونی میں کارروائی کرکے لڑکی کو بازیاب کرایا۔ بعد ازاں اسے ویمن پولیس اسٹیشن منتقل کردیا گیا۔
پولیس کے مطابق گرفتار ملزمان میں امجد اور اس کے والد شبیر شامل ہیں۔ دونوں پر لڑکی کے اغوا کا الزام ہے۔
بازیاب لڑکی کے اہلخانہ نے میڈیا سے گفتگو کرتے ہوئے واقعے کی تفصیلات بیان کیں۔
