امریکی صدر ڈونلڈ ٹرمپ کی بھتیجی میری ٹرمپ نے ان کی صحت کے حوالے سے سنگین دعوے کیے ہیں۔
انہوں نے کہا کہ ان کے چچا کی جسمانی اور ذہنی حالت بگڑ رہی ہے۔
غیر ملکی میڈیا کے مطابق میری ٹرمپ نے اپنے ہفتہ وار نیوز لیٹر میں یہ باتیں لکھیں۔
انہوں نے دعویٰ کیا کہ صدر ٹرمپ کی صحت ذہنی اور جسمانی طور پر متاثر ہو رہی ہے۔
میری ٹرمپ نے ان کے رویے اور رات گئے سوشل میڈیا سرگرمیوں کا حوالہ بھی دیا۔
انہوں نے کہا کہ ٹرمپ بظاہر نارمل نظر آ سکتے ہیں لیکن ان کی ذہنی حالت متاثر ہے۔
میری ٹرمپ کے مطابق صدر ایک نفسیاتی دباؤ اور صدمے کی کیفیت سے گزر رہے ہیں۔
انہوں نے یہ بھی کہا کہ ٹرمپ اپنے وقار اور غرور سے متعلق حساس صورتحال کا شکار ہیں۔
دوسری جانب وائٹ ہاؤس نے ان تمام دعوؤں کو مسترد کر دیا ہے۔
وائٹ ہاؤس نے کہا کہ صدر ڈونلڈ ٹرمپ مکمل طور پر اپنی ذمہ داریاں انجام دینے کے قابل ہیں۔
