پاکستان کے ٹینس اسٹار اعصام الحق نے آئی ٹی ایف ماسٹرز ورلڈ چیمپئن شپ میں مکسڈ ڈبلز کا عالمی ٹائٹل جیت لیا۔
اعصام الحق نے جرمنی کی نینا ہرمن کے ساتھ مل کر مکسڈ ڈبلز ورلڈ ٹائٹل اپنے نام کیا۔ دونوں نے فائنل میں پرتگال کی ٹاپ سیڈ جوڑی کو شکست دی۔
اعصام الحق اور نینا ہرمن نے فریڈ گل اور ریٹا فریٹاس کو 6-4 اور 6-3 سے ہرایا۔ پاکستانی جوڑی نے دونوں سیٹس میں عمدہ کھیل پیش کیا۔
اعصام الحق اور عقیل خان کو مینز ڈبلز میں سلور
مینز 45 پلس ڈبلز کے فائنل میں اعصام الحق اور عقیل خان کو شکست کا سامنا کرنا پڑا۔ فرانس کے جیکس گلے اور ژاں بپٹسٹ رینالٹ نے پاکستانی جوڑی کو فائنل میں ہرایا۔
اس شکست کے باوجود اعصام الحق اور عقیل خان نے سلور میڈل حاصل کیا۔ دونوں کھلاڑیوں نے چیمپئن شپ میں پاکستان کی نمائندگی کی۔
پاکستان نے 4 میڈلز جیت لیے
آئی ٹی ایف ماسٹرز ورلڈ چیمپئن شپ میں پاکستان نے مجموعی طور پر 4 میڈلز حاصل کیے۔ قومی ٹیم نے ایک گولڈ، دو سلور اور ایک برونز میڈل جیتا۔
عقیل خان نے 40 پلس مکسڈ ڈبلز میں جرمنی کی ایلین اراناس روتھ کے ساتھ برونز میڈل حاصل کیا۔
اعصام الحق کا مکسڈ ڈبلز گولڈ میڈل پاکستان کا چیمپئن شپ میں واحد طلائی تمغہ ہے۔ اعصام الحق اور عقیل خان نے مینز 45 پلس ڈبلز میں سلور میڈل جیتا۔