کراچی/اسلام آباد: پاکستان ٹیلی کمیونیکیشن کمپنی لمیٹڈ (پی ٹی سی ایل) نے ملک بھر میں انٹرنیٹ سروس استعمال کرنے والے صارفین کے لیے اہم اطلاع جاری کرتے ہوئے خبردار کیا ہے کہ آنے والے دنوں میں انٹرنیٹ کی رفتار متاثر ہو سکتی ہے۔
معرکۂ حق میں بھارتی S-400 نظام کی تباہی کا دعویٰ، پاکستان نے شواہد کے ساتھ مؤقف پیش کر دیا
کمپنی کے مطابق 11 مئی سے 18 مئی تک زیرِ سمندر (سب میرین) انٹرنیٹ کیبل پر تکنیکی مرمت اور اپ گریڈ کا عمل جاری رہے گا، جس کے دوران صارفین کو سست انٹرنیٹ اسپیڈ، کنیکٹیویٹی میں خلل اور بعض اوقات سروس میں وقتی تعطل کا سامنا کرنا پڑ سکتا ہے۔
پی ٹی سی ایل کے مطابق یہ مرمتی کام بین الاقوامی کیبل کنسورشیم کے تحت کیا جا رہا ہے، جس کا مقصد مستقبل میں انٹرنیٹ سروس کو زیادہ مستحکم، تیز اور قابلِ اعتماد بنانا ہے۔ کمپنی نے واضح کیا کہ خاص طور پر شام کے اوقات میں انٹرنیٹ کی رفتار معمول سے کم رہنے کا امکان زیادہ ہوگا۔
ترجمان کے مطابق یہ عمل وقتی مشکلات کا سبب ضرور بن سکتا ہے، تاہم اس کا مقصد طویل المدتی بہتری اور ڈیجیٹل سروس کے معیار کو بہتر بنانا ہے تاکہ صارفین کو مستقبل میں بہتر تجربہ فراہم کیا جا سکے۔
ماہرین کے مطابق دنیا بھر میں انٹرنیٹ ٹریفک کا بڑا حصہ زیرِ سمندر فائبر آپٹک کیبلز کے ذریعے منتقل ہوتا ہے، اس لیے ان کی مرمت یا اپ گریڈ کے دوران کئی ممالک میں انٹرنیٹ سروس متاثر ہونا معمول کی بات ہے۔
پی ٹی سی ایل نے صارفین سے عارضی مشکلات پر تعاون کی اپیل کرتے ہوئے کہا ہے کہ کام مکمل ہونے کے بعد سروس پہلے سے بہتر اور زیادہ مستحکم ہوگی۔
I’ve been surfing online more than 2 hours today, yet
I never found any interesting article like yours.
It is pretty worth enough for me. Personally,
if all website owners and bloggers made good content as you did, the web will be much more useful than ever before.