Rehman Baba Express کے انجن میں کراچی سے تقریباً 55 کلومیٹر کے فاصلے پر گدر اور دھابیجی اسٹیشن کے درمیان اچانک آگ لگنے کا واقعہ پیش آیا، تاہم بروقت کارروائی کے باعث بڑا حادثہ ٹل گیا۔
میگا منصوبوں کی رفتار تیز کرنے کی ہدایت، کراچی میں ٹریفک نظام بہتر بنانے پر زور
ریلوے ذرائع کے مطابق آگ لگنے کے فوراً بعد عملے نے پیشہ ورانہ مہارت کا مظاہرہ کرتے ہوئے انجن کو باقی ٹرین سے علیحدہ کر دیا، جس کے نتیجے میں آگ کو دیگر بوگیوں تک پھیلنے سے روک لیا گیا۔ اس موقع پر مقامی افراد نے بھی امدادی سرگرمیوں میں حصہ لیا اور آگ بجھانے میں مدد فراہم کی۔
خوش قسمتی سے اس واقعے میں کوئی جانی نقصان نہیں ہوا اور تمام مسافر محفوظ رہے۔ ریلوے حکام نے فوری طور پر صورتحال کو کنٹرول کرتے ہوئے مسافروں کی حفاظت کو یقینی بنایا۔
Pakistan Railways کے حکام کا کہنا ہے کہ واقعے کی مکمل تحقیقات جاری ہیں اور انکوائری کے بعد آگ لگنے کی وجوہات سامنے لائی جائیں گی۔ ساتھ ہی مستقبل میں ایسے واقعات کی روک تھام کے لیے مزید مؤثر اقدامات بھی کیے جائیں گے۔
ریلوے انتظامیہ نے اس عزم کا اعادہ کیا ہے کہ مسافروں کی جان و مال کا تحفظ اولین ترجیح ہے اور ہنگامی صورتحال میں فوری اور مؤثر رسپانس کو یقینی بنایا جاتا رہے گا۔