وزیراعظم شہباز شریف نے کہا ہے کہ پاکستان کی جانب سے خطے میں جنگ بندی کے لیے کوششیں جاری ہیں اور ملک خطے میں کشیدگی کے منفی اثرات سے دوچار ہے۔
کراچی کے مختلف علاقوں میں تیز ہواؤں کے ساتھ موسلا دھار بارش، ماڑی پور میں ژالہ باری ریکارڈ
خطے کی موجودہ صورتحال پر ہونے والے اجلاس سے خطاب کرتے ہوئے وزیراعظم نے بتایا کہ ایران میں جاری جنگ نے پاکستان پر بھی برا اثر ڈالا ہے اور معاشی مشکلات بڑھ گئی ہیں۔ انہوں نے کہا کہ ڈپٹی وزیراعظم بھی خطے میں کشیدگی کو کم کرنے کے لیے انتھک محنت کر رہے ہیں اور پاکستان نے تمام ممکنہ اقدامات کیے ہیں تاکہ جنگ کے شعلے ٹھنڈے کیے جا سکیں۔
وزیراعظم نے مزید کہا کہ پاکستان کے دو جہاز آبنائے ہرمز میں موجود تھے، لیکن اسحاق ڈار اور فیلڈ مارشل کی کوششوں سے یہ جہاز محفوظ طور پر گزر گئے۔ انہوں نے وضاحت کی کہ ملک کی حفاظت اور سمندری راستوں کی حفاظت کے لیے تمام ضروری اقدامات بروقت کیے گئے۔
شہباز شریف نے کہا کہ جنگی چیلنجز سے نمٹنے کے لیے وزرائے اعلیٰ نے تعاون کی یقین دہانی کرائی ہے اور تین ہفتوں میں وفاق نے پی ایس ڈی پی میں 100 ارب روپے کی کٹوتی کی ہے۔ پارلیمنٹرینز نے بھی توانائی کی بچت کو یقینی بنانے میں اہم کردار ادا کیا۔
وزیراعظم نے زور دیا کہ پاکستان خطے میں امن اور استحکام کے لیے پرعزم ہے اور معاشی مشکلات کے باوجود ملک کی سلامتی اور عوام کے مفاد میں اقدامات جاری رہیں گے۔