ملک بھر میں عیدالفطر کا چاند دیکھنے کے لیے مرکزی رویت ہلال کمیٹی کا اہم اجلاس آج اسلام آباد میں منعقد ہوگا۔ اجلاس میں مختلف علاقوں سے موصول ہونے والی شہادتوں کا جائزہ لے کر شوال کے چاند کی رویت یا عدم رویت کا باضابطہ اعلان کیا جائے گا۔
کراچی میں بارش کے اعداد و شمار جاری، کیماڑی میں سب سے زیادہ بارش
مرکزی رویت ہلال کمیٹی کے ارکان چاند دیکھنے کے حوالے سے موصول ہونے والی اطلاعات اور سائنسی شواہد کا جائزہ لیں گے، جس کے بعد عیدالفطر کی تاریخ کا فیصلہ کیا جائے گا۔ ملک بھر کے شہری اس اعلان کے منتظر ہیں تاکہ عید کی تیاریوں کو حتمی شکل دی جا سکے۔
دوسری جانب سعودی عرب میں شوال کا چاند نظر نہیں آیا، جس کے باعث وہاں عیدالفطر جمعہ کے روز منائی جائے گی، جبکہ افغانستان میں آج عیدالفطر منائی جا رہی ہے۔ مختلف ممالک میں چاند نظر آنے کے اختلاف کے باعث عید کی تاریخ میں فرق دیکھنے میں آ رہا ہے۔
ماہرین کا کہنا ہے کہ چاند کی رویت کا انحصار موسمی حالات اور جغرافیائی محلِ وقوع پر ہوتا ہے، جس کے باعث مختلف خطوں میں عید کے دن میں فرق معمول کی بات ہے۔