کراچی: گورنر سندھ کامران خان ٹیسوری نے یومِ شہادتِ حضرت علیؓ کے موقع پر اپنے پیغام میں کہا ہے کہ یہ دن ہمیں حضرت علیؓ کی سیرتِ طیبہ اور تعلیمات پر عمل کرنے کی یاد دلاتا ہے۔
کراچی: نیپا پل کے قریب کارروائی، منشیات فروش گرفتار
گورنر سندھ نے کہا کہ حضرت علیؓ شجاعت، عدل اور علم کی عظیم شخصیت تھے، اور ان کی زندگی انسانیت، انصاف اور حق کی سربلندی کا روشن پیغام ہے۔ انہوں نے کہا کہ حضرت علیؓ کی تعلیمات کو اپنی روزمرہ زندگی میں اپنانا ہر مسلمان کی ذمہ داری ہے۔
کامران خان ٹیسوری نے مزید کہا کہ حضرت علیؓ کی سیرت امتِ مسلمہ کے لیے مشعلِ راہ ہے اور یومِ علیؓ ہمیں اتحاد، بھائی چارے اور رواداری کو فروغ دینے کا درس دیتا ہے۔ انہوں نے زور دیا کہ حضرت علیؓ کا کردار صبر، تقویٰ اور عدل کی اعلیٰ مثال پیش کرتا ہے۔
گورنر سندھ نے دعا کی کہ حضرت علیؓ کے مشن اور تعلیمات کی روشنی ہر مسلمان کی زندگی میں واضح ہو اور امتِ مسلمہ ان سے رہنمائی حاصل کرے۔