Anti-Corruption Establishment Sindh نے Hyderabad میں بڑی کارروائی کرتے ہوئے ایک سرکاری کلرک کو رشوت لیتے ہوئے رنگے ہاتھوں گرفتار کر لیا۔
آئی ایم ایف سے مذاکرات، مشرقِ وسطیٰ کشیدگی کے معاشی اثرات پر خصوصی سیشن
ترجمان کے مطابق کارروائی مجسٹریٹ کی نگرانی میں کی گئی جس کے دوران گورنمنٹ گرلز میرا پائلٹ ہائی اسکول ہیرآباد کے سینئر کلرک Salman Memon کو گرفتار کیا گیا۔ اس حوالے سے ڈی جی اینٹی کرپشن Imtiaz Ali Abro نے بتایا کہ کارروائی ایک ریٹائرڈ عربی ٹیچر مسمات Shehrbano Shahani کی شکایت پر عمل میں لائی گئی۔
ترجمان کے مطابق ملزم کلرک خاتون سے ایل پی آر، پنشن اور کمیوٹیشن کے کاغذات کی کارروائی مکمل کرنے کے لیے غیر قانونی رشوت طلب کر رہا تھا۔ شکایت کنندہ کے مطابق ملزم نے رقم نہ دینے کی صورت میں ریٹائرمنٹ کے فوائد جاری نہ کرنے کی دھمکیاں بھی دی تھیں۔
اینٹی کرپشن حکام کے مطابق متاثرہ خاتون پہلے ہی مختلف اقساط کی صورت میں 80 ہزار، تین لاکھ اور پانچ لاکھ روپے ادا کر چکی تھیں۔ اس کے باوجود ملزم مزید چار لاکھ پچاس ہزار روپے رشوت کا مطالبہ کر رہا تھا۔
ترجمان نے بتایا کہ ٹریپ کارروائی کے دوران ملزم نے خاتون سے 30 ہزار روپے بطور جزوی ادائیگی وصول کیے۔ رقم وصول کرتے ہی اینٹی کرپشن ٹیم نے فوری کارروائی کرتے ہوئے ملزم کو موقع پر ہی رنگے ہاتھوں گرفتار کر لیا۔
حکام کے مطابق ملزم کے خلاف مقدمہ درج کر لیا گیا ہے جبکہ واقعے کی مزید تفتیش جاری ہے تاکہ اس معاملے میں ملوث دیگر افراد کا بھی تعین کیا جا سکے۔