سلیم خان کی حالت مستحکم، لیلا وتی اسپتال میں زیرِ علاج

ممبئی (مانیٹرنگ ڈیسک) بالی ووڈ کے سینئر اسکرین رائٹر اور سپر اسٹار Salman Khan کے والد Salim Khan کم برین ہیمریج کے بعد ممبئی کے Lilavati Hospital میں زیرِ علاج ہیں۔ اداکارہ Daisy Shah نے بھارتی میڈیا سے گفتگو میں سلیم خان کی صحت سے متعلق تازہ اپڈیٹ شیئر کرتے ہوئے کہا کہ ان کی صورتحال مثبت ہے۔

خیرپور میں 4 مارچ عام تعطیل، ہولی پر ہندو ملازمین کو دو روزہ چھٹی

ڈیزی شاہ کے مطابق اگرچہ وہ خود اسپتال میں ملاقات نہیں کر سکیں، تاہم وہ باقاعدگی سے سلمان خان سے رابطے میں ہیں اور انہیں بتایا گیا ہے کہ سلیم خان کی حالت پہلے سے بہتر ہے۔ اداکارہ کا کہنا تھا کہ سلیم خان کی سرجری کامیاب رہی اور وہ اب خطرے سے باہر ہیں۔

اس سے قبل معالجین کی جانب سے بتایا گیا تھا کہ مکمل سرجری کے بجائے دماغ میں معمولی خون بہنے کے باعث فوری طبی عمل انجام دیا گیا، جس کے بعد انہیں انتہائی نگہداشت میں رکھا گیا۔ ڈاکٹر جلیل پارکر نے میڈیا سے گفتگو میں سلیم خان کی حالت کو مستحکم قرار دیا، تاہم یہ بھی بتایا گیا کہ وہ وینٹی لیٹر سپورٹ پر ہیں۔

اہل خانہ نے سلیم خان کی صحت سے متعلق معلومات کو نجی معاملہ قرار دیتے ہوئے میڈیا سے رازداری برقرار رکھنے کی اپیل کی ہے۔ قریبی ذرائع کے مطابق خاندان اس وقت مکمل توجہ علاج اور صحت یابی پر مرکوز رکھنا چاہتا ہے اور مزید تفصیلات شیئر کرنے سے گریز کیا جا رہا ہے۔