کراچی — آرٹس کونسل آف پاکستان کراچی کی جانب سے 5 فروری یوم یکجہتی کشمیر کے موقع پر حسینہ معین ہال، احمد شاہ بلڈنگ میں مقبوضہ جموں و کشمیر میں بھارتی مظالم کے خلاف تصویری نمائش کا انعقاد کیا گیا۔ نمائش کا افتتاح مہمانِ خصوصی میئر کراچی بیرسٹر مرتضیٰ وہاب نے صدر آرٹس کونسل محمد احمد شاہ کے ہمراہ کیا۔
عوامی کالونی پولیس کا میمن انسٹیٹیوٹ کے قریب ڈکیتوں سے کامیاب مقابلہ، 2 ملزمان زخمی گرفتار
نمائش میں مقبوضہ کشمیر میں بھارتی افواج کی جانب سے کیے جانے والے مظالم کی عکاس تصاویر آویزاں کی گئیں، جبکہ بشیر سدوزئی نے شرکاء کو تصاویر کے پس منظر اور حقائق سے آگاہ کیا۔ میئر کراچی بیرسٹر مرتضیٰ وہاب نے اظہارِ خیال کرتے ہوئے کہا کہ آج ہم اپنے کشمیری بھائیوں کے ساتھ مکمل یکجہتی کا عملی اظہار کر رہے ہیں اور پاکستان کشمیری عوام کے حقِ خودارادیت کے ساتھ ہے۔ انہوں نے کہا کہ کشمیر کا مسئلہ انسانی اور بین الاقوامی سطح پر ناگزیر حل طلب ہے۔
صدر آرٹس کونسل محمد احمد شاہ نے کہا کہ کشمیر پاکستان کی شہ رگ ہے اور مقبوضہ علاقے میں جاری ظلم و جبر کو اقوامِ متحدہ کی قراردادوں کے باوجود جاری رکھا گیا ہے۔ بشیر سدوزئی نے کہا کہ یوم یکجہتی کشمیر ہر سال 5 فروری کو منایا جاتا ہے اور آرٹس کونسل کے پروگرامز اس جدوجہد میں ایک ریکارڈ کا درجہ رکھتے ہیں۔
تقریب میں پاکستان پیپلز پارٹی (کشمیر چیپٹر) سندھ زون کے صدر سردار ذوالفقار خان، کے یو جے کے سیکریٹری سردار لیاقت، مسلم لیگ کے رہنما سردار صغیر ایڈووکیٹ، پی پی رہنما نذیر انجم اور دیگر سماجی و سیاسی شخصیات نے بھی شرکت کی۔
