کراچی (رپورٹ) — اسسٹنٹ کمشنر رانا سفیان اور ٹی ایم سی انچارج شاہنواز نے اکبر روڈ پر ایس او پیز کی خلاف ورزی کرنے والی دکانوں کے خلاف بڑی کارروائی کرتے ہوئے 15 دکانیں سیل کر دی ہیں۔
پاکستان اور قازقستان کے درمیان 19 شعبوں میں تعاون، تجارتی حجم کو ایک ارب ڈالر تک بڑھانے کا ہدف
کارروائی کے دوران انتظامیہ نے مختلف دکانوں کا معائنہ کیا جہاں حکومتی ایس او پیز کی کھلی خلاف ورزی سامنے آئی۔ فوری ایکشن لیتے ہوئے متعلقہ دکانوں کو سیل کر دیا گیا۔ کارروائی میں متعلقہ عملہ اور نفری بھی ہمراہ موجود تھی تاکہ امن و امان کی صورتحال برقرار رکھی جا سکے۔
اس موقع پر اسسٹنٹ کمشنر رانا سفیان نے کہا کہ عوام کی جان و مال کا تحفظ اولین ترجیح ہے اور ایس او پیز پر عملدرآمد ہر صورت یقینی بنایا جائے گا۔ انہوں نے واضح کیا کہ کسی کو بھی قانون سے بالاتر نہیں سمجھا جائے گا اور خلاف ورزی کرنے والوں کے خلاف بلا امتیاز کارروائی جاری رہے گی۔
ٹی ایم سی انچارج شاہنواز نے کہا کہ شہری انتظامیہ شہر میں نظم و ضبط قائم رکھنے اور عوامی مفاد کے تحفظ کے لیے متحرک ہے، اور آئندہ دنوں میں ایسی کارروائیاں مزید تیز کی جائیں گی۔
شہریوں نے انتظامیہ کی کارروائی کو خوش آئند قرار دیتے ہوئے مطالبہ کیا کہ ایسے اقدامات تسلسل کے ساتھ جاری رہیں تاکہ قانون کی بالادستی قائم رہے اور شہر میں نظم و ضبط بہتر ہو سکے۔
