کراچی (اسٹاف رپورٹر) — کیماڑی شیر شاہ پولیس نے خفیہ اطلاع پر کارروائی کرتے ہوئے آپسی جھگڑے کے دوران اسلحے کا آزادانہ استعمال کرنے والے تین نامزد ملزمان کو گرفتار کر لیا۔
ملزمان احمد نیاز، کاشف اور زین دو روز قبل شیر شاہ کے علاقے میں شہری نظام رضا پر فائرنگ کرنے کے الزام میں نامزد تھے۔ خوش قسمتی سے شہری نظام رضا فائرنگ سے محفوظ رہا تھا۔
گرفتار ملزمان کے قبضے سے اسلحہ بھی برآمد کیا گیا ہے۔ ملزمان کے خلاف تھانہ شیر شاہ میں اقدام قتل کا مقدمہ درج کیا گیا تھا اور مزید قانونی کارروائی جاری ہے۔