اسلام آباد: نیشنل ورکشاپ خیبرپختونخوا کے شرکاء نے ڈی جی آئی ایس پی آر سے خصوصی نشست میں شرکت کی، جس میں قومی سلامتی کی موجودہ صورتحال، گمراہ کن پروپیگنڈا کے پھیلاؤ اور دیگر اہم قومی امور پر تفصیلی گفتگو ہوئی۔
ڈی جی آئی ایس پی آر نے شرکاء کے سوالات کے مدلل اور مفصل جوابات دئیے، جبکہ شرکاء نے افواج پاکستان کی معرکہ حق میں تاریخی کامیابیوں اور قربانیوں پر شاندار خراج تحسین پیش کیا۔
شرکاء نے گمراہ کن پروپیگنڈا کے تدارک کے لیے انفرادی اور اجتماعی ذمہ داری کی اہمیت پر زور دیا اور پاک فوج کے ساتھ غیرمتزلزل یکجہتی کے عزم کا اعادہ کیا۔ انہوں نے کہا کہ افواج پاکستان نے مادرِ وطن کے دفاع میں لازوال قربانیاں دی ہیں اور خیبرپختونخوا میں دہشت گردی کے خلاف مؤثر کارروائیوں پر انہیں خراج عقیدت پیش کرتے ہیں۔