پشاور: کسٹمز انفورسمنٹ پشاور نے نظام پور راولپنڈی روڈ پر ہفتہ کے روز کارروائی کرتے ہوئے 5 کروڑ روپے مالیت کی غیر ملکی ساختہ اسمگل شدہ اور ممنوعہ اشیاء کی بڑی کھیپ برآمد کر لی۔ اسمگلنگ میں ملوث گاڑی بھی ضبط کر لی گئی، جبکہ کیس کی مجموعی مالیت 7 کروڑ روپے بتائی گئی ہے۔
ایس ایس پی ساؤتھ کے احکامات پر ڈیفنس پولیس میں رول کال، اہلکاروں کو ڈیوٹی کے سخت اصولوں کی ہدایت
خفیہ نگرانی کے دوران کوہاٹ کسٹمز ڈویژن کے اہلکاروں نے ایک مشتبہ ہینو ٹرک کا حساس علاقوں سے تعاقب کیا اور اسے شام تقریباً 4:30 بجے موبائل چوکی پر روک لیا۔ تلاشی کے دوران معلوم ہوا کہ گاڑی غیر ملکی بغیر ڈیوٹی ادا شدہ سامان سے بھری ہوئی ہے۔
برآمد شدہ اشیاء میں 15,000 اسٹکس غیر ملکی سگریٹس، 2,200 کلوگرام چھالیہ، 1,000 پیکٹ گٹکا اور 1,200 پیکٹ حقہ مصنوعات شامل تھیں۔ ڈرائیور کوئی قانونی درآمدی دستاویزات پیش نہ کر سکا، جس پر کسٹمز ایکٹ 1969 کے تحت سامان ضبط کر لیا گیا۔
اس کارروائی کی قیادت اسسٹنٹ کمشنر کسٹمز عمر جان نے کی، جنہیں کسٹمز انفورسمنٹ پشاور کے انسپکٹرز آصف نصار اور وقار احمد نے معاونت فراہم کی۔
فیڈرل بورڈ آف ریونیو (ایف بی آر) اسمگلنگ اور غیر قانونی تجارت کی روک تھام اور قومی معیشت کی حفاظت کے لیے پرعزم ہے۔