پاک بحریہ کا اینٹی شپ بیلسٹک میزائل کا کامیاب تجربہ — دفاعی صلاحیت میں اہم سنگِ میل

اسلام آباد: پاک بحریہ نے مقامی طور پر تیار کردہ بحری جہاز سے اینٹی شپ بیلسٹک میزائل کا کامیاب تجربہ کیا ہے۔ جدید ٹیکنالوجی سے لیس یہ میزائل انتہائی درستگی کے ساتھ سمندری اور زمینی اہداف کو نشانہ بنانے کی صلاحیت رکھتا ہے، جبکہ اس میں اعلیٰ گائیڈنس سسٹم اور تیز رفتار نقل و حرکت کی خصوصیات بھی شامل ہیں۔

کراچی: پاکستان رینجرز اور کسٹم انفورسمنٹ کی مشترکہ کارروائی، بھاری مقدار میں اسمگل شدہ اشیاء برآمد

چیف آف دی نیول اسٹاف نے سینئر سائنس دانوں اور انجینئرز کے ہمراہ فلائٹ ٹیسٹ کا معائنہ کیا۔ اس موقع پر انہوں نے کہا کہ یہ کامیابی پاکستان کی دفاعی ٹیکنالوجی میں خود کفالت اور قومی سلامتی کے لیے پاک بحریہ کے مضبوط عزم کی واضح مثال ہے۔

اس اہم سنگِ میل پر صدرِ پاکستان، وزیراعظم، چیئرمین جوائنٹ چیفس آف اسٹاف کمیٹی اور سروسز چیفس نے تجربے میں حصہ لینے والے سائنسدانوں، انجینئرز اور متعلقہ یونٹس کو مبارکباد پیش کی۔