اسلام آباد: اینٹی نارکوٹکس فورس (اے این ایف) نے ملک بھر میں تعلیمی اداروں کے اطراف اور مختلف شہروں میں منشیات اسمگلنگ کے خلاف کریک ڈاؤن کیا۔ کارروائیوں کے دوران 2 ملزمان کو گرفتار کیا گیا اور 46 کروڑ 53 لاکھ روپے مالیت کی 390.52 کلوگرام منشیات برآمد کی گئیں۔
کارروائیوں کی تفصیل:
-
مانسہرہ (قراقرم ہائی وے): ملزم سے 400 گرام چرس برآمد، ملزم نے طلباء کو منشیات فروخت کرنے کا اعتراف کیا۔
-
کراچی (کوریئر آفس): برطانیہ جانے والے پارسل سے لیڈیز پرس میں چھپائی گئی 124 گرام ہیروئن برآمد۔
-
لاہور (خیابانِ فردوسی، ہسپتال کے قریب): ملزم سے 2 کلو آئس برآمد۔
-
پشاور (حیات آباد): کوریئر پارسل سے ٹارچ اور سیڈونچ میکر میں 1 کلو آئس برآمد۔
-
علی زئی، ضلع پشین: 387 کلو ہیروئن برآمد۔
تمام مقدمات انسدادِ منشیات ایکٹ 1997 کے تحت درج کر لیے گئے ہیں اور تحقیقات جاری ہیں۔ اے این ایف کا کہنا ہے کہ یہ کارروائیاں تعلیمی اداروں کے قریب منشیات کی فروخت اور اسمگلنگ کو روکنے کے لیے کی گئی ہیں۔
