کراچی: آئی ایم سی ٹی20 کرکٹ ورلڈ کپ 2025 کی سیکیورٹی کے حوالے سے ایڈیشنل آئی جی کراچی جاوید عالم اوڈھو کی زیر صدارت ایک اہم اجلاس کراچی پولیس آفس میں منعقد ہوا۔ اجلاس میں چیئرمین ویٹرن کرکٹ ایسوسی ایشن فواد اعجاز خان، سیکریٹری محمد عامر سرفراز، ڈی آئی جی ایڈمن، زونل ڈی آئی جیز، ڈی آئی جی ٹریفک، کمانڈنٹ ایس ایس یو سمیت دیگر سینئر افسران نے شرکت کی۔
سٹی ڈسٹرکٹ پولیس کی کارروائیاں، گٹکا/ماوا سپلائی میں ملوث 4 ملزمان گرفتار
اجلاس کے دوران ٹیموں کی سیکیورٹی، ہوٹلز اور اسٹیڈیمز کے انتظامات، ٹریفک مینجمنٹ اور روٹس کلیئرنس سے متعلق تفصیلی بریفنگ دی گئی۔ پولیس چیف نے اسٹیڈیم اور اطراف کے علاقوں میں فول پروف سیکیورٹی، مؤثر کوآرڈینیشن اور ٹریفک کی روانی کو ہر صورت یقینی بنانے کی ہدایات جاری کیں۔
کراچی پولیس نے ٹورنامنٹ کو پرامن اور محفوظ ماحول فراہم کرنے کے لیے تمام تر وسائل بروئے کار لانے کی یقین دہانی کرائی۔
