اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف بڑی کارروائیاں کرتے ہوئے خاتون سمیت 3 ملزمان کو گرفتار کرلیا۔ کارروائیوں کے دوران 15.06 کلوگرام منشیات برآمد کی گئی، جس کی مالیت 32 لاکھ روپے سے زائد بتائی گئی ہے۔
اسلام آباد میں کارروائی:
کاک پل کے قریب ایک خاتون کے قبضے سے 1.95 کلوگرام آئس برآمد ہوئی۔
ترجمان اے این ایف کے مطابق، گرفتار خاتون نے اعتراف کیا کہ وہ تعلیمی اداروں کے طلباء کو منشیات فروخت کرتی تھی۔
کراچی میں کارروائیاں:
کوریئر آفس میں لندن جانے والے پارسل سے بچوں کے چار کمبلوں میں جذب 3.8 کلوگرام آئس برآمد۔
جناح ایئرپورٹ کارگو شیڈ میں نیوزی لینڈ جانے والے پارسل کے لیڈیز بیگ سے 3.6 کلوگرام آئس ملی۔
شاہراہِ فیصل پر جاپان جانے والے پارسل میں چاولوں میں چھپائی گئی 110 گرام آئس برآمد ہوئی۔
لاہور اور اٹک میں کارروائیاں:
لاہور میں موٹر سائیکل سوار دو ملزمان کے قبضے سے 2 کلوگرام آئس برآمد۔
اٹک کے علاقے چائنہ چوک حاجی شاہ روڈ پر موٹر سائیکل سے 3.6 کلوگرام چرس برآمد۔
اے این ایف حکام کے مطابق تمام کارروائیاں انسدادِ منشیات ایکٹ 1997 کے تحت عمل میں لائی گئیں، اور گرفتار ملزمان کے خلاف مقدمات درج کرکے تحقیقات کا آغاز کردیا گیا ہے۔
